Anija shqiptare “Envi 1” u ndalua nga marina libiane me akuzën e transportit të jashtë ligjshëm të mallrave dhe u rikthye në Tripoli, por aty mjeti lundures është uzurpuar nga klandestinët.
REPORT TV ka siguruar fotot e anijes shqiptare ‘Envi 1’ të mbushur me klandestinë në portin e Libisë.
Në foto duket anija shqiptare plot me klandestinë, arsye për të cilën u bllokua nga autoritetet libiane para tre ditësh.
Anija është bllokuar në datë 16 shtator, ndërsa po kthehej për në Maltë, pasi ishte ngarkuar me rërë në Libi.
Përpos fotove kur anija është pushtuar nga refugjatët, REPORT TV ka siguruar edhe fotot kur anija është ngarkuar me rërë në Zaura.
Pronari Eduart Skora deklaroi sot në një prononcim se anija, u plaçkit nga emigrantët në momentin që u bllokua nga marina dhe u kthye në portin e Tripolit.
Ekuipazhi i anijes përbëhet nga 5 shqiptarë dhe 3 malazezë. Shqiptarët që ndodhen në anije janë; Xhodet Celaj, Maliq Bushati, Avni Buzi, Artur Selimaj, Jurgen Balla.
