Presidenti Donald Trump aprovoi sulme ushtarake kundër Iranit të enjten përpara se të ndryshonte mendjen e tij, raportojnë mediat amerikane.
New York Times, duke cituar zyrtarë të lartë të Shtëpisë së Bardhë, tha se sulmet ishin planifikuar kundër një “grushti” të objektivave.
Presidenti amerikan Donald Trump miratoi një sulm ndaj Iranit pas rrëzimit të një droni amerikan, por pas disa orësh ai tërhoqi vendimin e tij, shkruan sot prestigjozja amerikane “New York Times”.
Pretendohet se sulmi i mundshëm i SHBA-së, do të ishte kundërpërgjigje ndaj rrëzimit të një droni amerikan, në vlerë prej 130 milionë dollarësh. Pas diskutimeve të gjata në Shtëpinë e Bardhë midis zyrtarëve të lartë të sigurisë kombëtare të presidentit dhe udhëheqësve të Kongresit, pritej sulmi. Operacioni ishte tashmë gati për të filluar, por pastaj u anulua.
Ky vendim ndaloi atë që do të ishte veprimi i tretë ushtarak i presidentit kundër objektivave në Lindjen e Mesme. Nuk dihet nëse Trump thjesht e ndryshoi mendjen për sulmet apo u vonua për shkak të logjistikës apo strategjisë. Dje, Trump përmes një postimi në Twitter dënoi ashpër rrëzimin e dronit amerikan. “Irani bëri një gabim shumë të madh!”, shkroi shkurt ai.
SHBA kohët e fundit ka fajësuar Iranin për sulmet ndaj tankerave të naftës që veprojnë në rajon dhe Irani ka njoftuar se së shpejti do të tejkalojë kufijtë e rënë dakord ndërkombëtare për programin e saj bërthamor.
g.kosovari
