Situata nga Covid sa vjen dhe rëndohet në Kosovë. Kryetari i Komunës së Gjilanit, Lutfi Haziri, i ka dërguar një telegram ngushëllimi familjes Arifi nga Zhegra, pasi nëna Sadije Arifi dhe djali i saj, Agroni, e humbën betejën me COVID-19.
Haziri ka thënë se kjo është dhimbje e madhe për të gjithë dhe duhet t’i ndërgjegjësojë qytetarët që të vaksinohen kundër këtij virusi.
Aktualisht janë diku 900 raste aktive me Covid-19 në Gjilan. Deri më tani në Gjilan nga ky virus kanë vdekur 180 persona.
Ditët e fundit në Kosovë kanë ndërruar jetë 6 gra shtatzëna nga Covid si dhe një foshnje vetëm 3-javësh.
g.kosovari
