Tërmeti që goditi Shqipërinë në 26 nëntor nuk ka kursyer as institucionet shtetërore. Në pamjet e Report Tv brenda Kryesisë së Kuvendit, tregojnë dëmtimet që ka pësuar godina nga lëkundjet e forta të mëngjesit të së martës, por edhe në vijim me pasgoditje, që kanë vijuar edhe sot.
Në disa prej zyrave dhe korridorin e këtij institucioni janë çarë muret dhe ka rënë suvaja, por nuk paraqesin rrezikshmëri duke bërë që puna e komisioneve të vijojë normalisht.
Ndërkohë që përveç Kryesisë së Kuvendit probleme me plasaritje dhe rënie të suvasë ka pasur edhe në godina të tjera shtetërore, por pa rrezik, përveç Doganës së Tiranës, ku stafi u evakuua që ditën e parë të tërmetit.
g.kosovari
