Një vajzë e bukur dhe mjaft e talentuar shqiptare u vra mizorisht nga babai i saj në Australi, duke tronditur opinion publik.
20-vjeçarja u ther më thikë në makinë nga i ati, pas një konflikti mes tyre. Mediat britanike kanë zbuluar detaje mbi jetën e Sabrina Lekajt dhe frikës që ajo kishte nga babai.
Sipas disa mesazheve të publikuara nga “Daily Mail”, ajo ishte ankuar te shoqëria me mesazhe se familja e kishte cilësuar ku… dhe se ndihej nën presion për të shkuar në Universitet nga prindërit e saj Petrit dhe Romina Lekaj.
Vajza u tha miqve për marrëdhënien e saj shpesh të paqëndrueshme me prindërit e saj dhe se ajo nuk donte të jetonte më nën çatinë e tyre.
Sabrina: Jo isha vërtetë shumë e mërzitur sepse mami im gjithmonë më quan kur*ë dhe kjo më prek gjithmonë
Shoqja: Ti nuk je kur*ë! Mos dëgjo askënd se çfarë thotë.
Sabrina: Rrofsh zemër. Opinioni yt vlen më shumë se ajo humbësja (për të ëmën)
Ndërkohë raportohet se para se te vdiste, ajo i ka dërguar një mesazh të ngrohtë një prej mikeshave të saj, duke i shkruar “të dua shumë”.
Në mesazhin e dërguar shoqes së saj të ngushtë Kat Valstar thuhej: “Të dua, do të dërgoj mesazh sapo të arrij në shtëpi”.
Sabrina u gjet e vdekur në një “Mercedes Benz” në Adelaide, Australi të dielën rreth orës 11 e 30.
Disa orë më pas, trupi i saj u gjet pranë atij të të atit, Petrit Lekaj 49 vjeç, i cili kishte tentuar të vriste veten pas ngjarjes dhe u dërgua menjëherë në spital dhe arriti t’u mbijetojë plagëve.
g.kosovari
