Zvicra ka ligjëruar “kapsulat e vetëvrasjes” portative, të cilat mund të transportohen në vendet e preferuara dhe të përdoren nga personat që duan të vrasin veten.
Këto pajisje që kanë rolin e arkivolit quhen “Sarco Suicede Pods” dhe janë krijuar për personat që duan të kryejnë eutanazi. Kjo procedurë është e ligjëruar në Zvicër që nga viti 1942, me rreth 1300 persona që e kanë bërë këtë gjë vetëm në vitin 2020.
Shpikësi i këtyre arkivolëve, Dr. Philip Nitschke, i njohur në opinionin publik të Zvicrës si Dr. Vdekja për shkak të aktivizmit të tij pro eutanazisë, tha se makineria mund të vihet në punë kudo, madje edhe nga vetë personi që ndodhet brenda saj.
“Pajisjen mund ta çosh në një vend të bukur dhe aty të nisësh procedurën. Mund ta bësh vetë, por mund të bëhet edhe një eutanazi e asistuar. Arkivoli funksionon duke ulur nivelin e oksigjenit në organizëm. Për ta përdorur pajisjen, duhet t’i përgjigjesh fillimisht një pyetësori “online” dhe të japësh prova që vendimi për t’i dhënë fund jetës tënde është 100% personal”, shpjegon Dr. Vdekja.
