Disa persona janë qëlluar me armë në një stacion metrove në Brooklyn orët e para të së martës. Sipas të dhënave të para, dyshohet që pesë persona janë qëlluar ndërsa autoritetet po kërkojnë një person që kishte vendosur maskë kundër gazit dhe kishte veshur një jelek fosforeshent.
Veç personave të plagosur, sipas raportimeve në vendin ngjarjes janë gjetur edhe një sërë pajisjesh plasëse të paaktivizuara. Si pasojë e sulmit dyshohet që te ketë edhe viktima.
Pamjet nga vendi i ngjarjes tregojnë qytetarë të shtrirë në tokë me plagë në pjesë të ndryshme të trupit.
Të paktën 13 persona u plagosën nga të shtënat që u regjistruan në stacionin Sunset Park të metrosë së New Yorkut.
Ngjarja ka ndodhur rreth orës 08:30 të mëngjesit. Pamjet e shpërndara në rrjetet sociale portretizojnë njerëz të gjakosur në kalatë.
Në qytet janë vendosur agjentë kundër terrorizmit, pasi në atë metro u zbulua dhe një sasi eksplozivi e pa shpërthyer.
Mediat e huaja raportojnë se autori i dyshuar kishte veshur një maskë gazi dhe një jelek portokalli.
Po ashtu thuhet se ai ishte i veshur si punonjës i Autoritetit të Transportit Metropolitan, ndaj kjo gjë e ka lejuar atë që të përzihej me turmën dhe të arratisej./m.j
