Përtej betejës së armëve, një tjetër element vendimtar në luftën në Ukrainë janë komunikimet nga të dyja palët.
Ukraina ka përdorur të gjitha llojet e burimeve të dhëna nga fuqitë kryesore perëndimore për sa i përket armëve, municioneve dhe automjeteve të rënda. Elon Musk, për shembull, ofroi Starlink, i cili është shërbimi satelitor i internetit me kosto të ulët, me mbulim global, me brez të gjerë. Kjo ishte efektive në bashkëpunimin me një njësi dronësh ukrainas për të shkatërruar armët dhe automjetet ushtarake të rusëve.
Megjithatë, Forcat e Armatosura jo vetëm përdorin pajisjet e tyre të përditësuara, por edhe teknologjinë e vjetër të përdorur në Luftën e Parë Botërore.
Sipas BBC, instrumenti në fjalë është një telefon i vjetër, të cilin ata e përdorin për të mos lejuar rusët të përgjonin apo bllokonin komunikimet. Për të bërë telefonata me të, duhet të përdoret një manivelë. Qëllimi i përdorimit të këtij mjeti është të pengojë dhe/ose të parandalojë sistemet e luftës elektronike të përdorura nga Rusia që të zbulojnë lëvizjet e ushtarëve ukrainas.
/a.r
