Goditet një rast i trafikut Shqipëri-Greqi-Hollandë. Policia greke ka mundur të arrestojë në Athinë një 25-vjeçar grek. Sipas policisë, atij i janë sekuestruar në makine 12 pako me 78 kg 850 gramë marijuanë. Nga hetimet ka rezultuar se kjo sasi është pjesë e një sasie prej 200 kg marijuane që ishte trafikuar nga kufiri shqiptaro-grek, në fshatrat kufitare të Janinës. Sipas policisë, 120 kg e pjesës tjetër është trafikuar nga 25-vjeçari drejt Holandës për llogari të një grupi kriminal shqiptar.
