Informacione të reja janë zbuluar nga dy shpërthimet që tronditën Shkodrën në orët e para të mëngjesit të së shtunës.
Autorët kanë përdorur 700 gram tritol, ku sasia më e madhe e eksplozivit, 450 gramë, është vendosur në biznesin e kandidatit për kryetar bashkie, Xhemal Bushatit, ndërsa në supermarketin pranë stadiumit “Loro Boriçi” janë vendosur 250 gramë tritol.
Hetuesit po merren me pamjet filmike për të identifikuar autorët dhe për të bërë të mundur arrestimin e tyre.
Deri më tani nuk ka asnjë të dyshuar, por kamerat e sigurisë kanë kapur momentin kur autori vendos tritolin në biznesin e Xhemal Bushatit. Policia ka marrë në pyetje edhe pronarët e bizneseve në lidhje me ndonjë konflikt që ata mund të kenë patur./m.j
