Një seanca e gjatë dhe maratonë ka qenë ajo e djeshma, e cila zgjati deri në orët e para të mëngjesot të sotëm, teksa diskutohej mbi programin e qeverisë së mandatit të ri.
Programi “Rama 2” u miratua këtë mëngjes me 78 vota pro dhe 51 kundër.
Megjithatë, në orët e vona të natës së mbrëmshme, kryeministri Rama ka mbajtur replikën e fundit, të përmbledhur në 10 pika, referuar gjithçka u tha gjatë gjithë seancës nga deputetët e dy opozitave.
Pavarësisht replikave të kryeministrit, disa prej deputëtëve janë dorëzuar dhe nuk e kanë fshehur dot lodhjen dhe “luftën” me orët e gjumit.
Në këto foto shikoni se si deputeti i LSI për qarkun e Beratit, Gledjon Rahovica është gati për gjumë, ashtu si edhe deputetja më e re në kuvend, përfaqësuese e PDIU në Dibër, Reme Lala. Po ashtu një dremitje duket se ka marrë edhe deputeti demokrat Genc Pollo.
