Helikopteri që transportonte Kobe Bryant fluturoi nëpër mjegull të trashë, para se të rrëzohej në një kodër në Calabasas, California, duke vrarë të nëntë personat në bord të Dielën në mëngjes.
Bryant vdiq së bashku me vajzën e tij 13-vjeçare Gianna dhe shtatë të tjerë.
Të dhënat e fluturimeve tregojnë se avionët u dukën në telashe mbi Zoo ZA, ku qarkullonte në një lartësi shumë të ulët dhe audio kontrolli i trafikut ajror sugjeron se kushtet po keqësoheshin deri në momentin e përplasjes.
Raportet fillestare pretendonin se pesë njerëz ishin vrarë, por numri i të vdekurve ishte rritur në nëntë – përfshirë pilotin, Ara Zobayan. Në mesin e atyre që u vranë ishte edhe John Altobelli, një trajner bejsbolli në Orange County College, gruaja e tij Keri dhe vajza Alyssa. Trajneri i basketbollit për vajza, Christina Mauser mbeti viktimë gjithashtu në përplasje.
Shkaku i përplasjes është nën hetim por kulla e kontrollit në Aeroportin Burbank u kontaktua nga piloti pak para orës 10 të mëngjesit me kohën lokale. Rreth orës 9.40 të mëngjesit helikopteri u kthye në jug, drejt një zone malore, tregojnë të dhënat e gjurmuesit të fluturimit. Pesë minuta më vonë ajo goditi në kodër në 1700 metra, afër shtëpisë së Kourtney Kardashian.
Kobe Bryant dhe vajza Gianna
John Altobelli, trajneri i bejsbollit në Orange Coast College dhe gruaja e tij Keri
Vajza e Altobellis, Alyssa e cila luajti në të njëjtin ekip basketbolli si Gianna Bryant në Akademinë Mamba
Sarah Chester dhe vajza e saj Payton
Christina Mauser, e cila gjithashtu ka punuar në “Mamba Academy” dhe ishte një trajnere basketbolli për vajzat në shkollën fillore private Harbour Day në Newport Beach. Gianna ishte një nxënëse në këtë shkollë.
Burri i saj, Matt Mauser tha: Fëmijët e mi dhe unë jemi shkatërruar. Ne humbëm gruan dhe nënën tonë të bukur sot në një aksident me helikopter.
Piloti Ara Zobayan / Javanews
g.kosovari
