Kobe Bryant e ka humbur jetën në një aksident me helikopter mëngjesin e të dielës, bën të ditur “News York Post”.
Ish-basketbollisti 41-vjeçar ishte duke udhëtuar me së paku tre persona të tjerë me helikopterin e tij privat, i cili është rrëzuar.
Shërbimet emergjente kanë reaguar shpejt pas shpërthimit të zjarrit, por fatkeqësisht askush nga bordi nuk ka mbijetuar. Pesë persona janë konfirmuar të vdekur (duke përfshirë edhe pilotin).
Bashkëshortja e tij, Vanessa Bryant, thuhet se nuk ka qenë në helikopter, ndërsa shkaku i rrëzimit të helikopterit është duke u hetuar ende.
Kobe e kishte shfrytëzuar helikopterin me vite të tëra për udhëtimet e tij që nga koha kur ishte pjesë e LA Lakers.
Ai ka lënë pas vetes bashkëshorten Vanessa dhe katër vajzat e tij, Gianna, Natalia, Bianca dhe të porsalindurën Capri. /e.s/
