Kryeministri Edi Rama ka përkujtuar me fjalë të ndjera një personazh mjaft të njohur të historisë dhe kulturës shqiptare. Rubrikën “Amacord” në ‘Facebook’, shefi i qeverisë ja ka kushtuar Faik Konicës, teksa e cilëson atë të vetmin, të paharruarin, dhe që në venat e tij rridhte gjaku i spikatur i oxhaqeve më zulmëmëdhenj shqiptarë.
Rama shkruan se edhe sot 75 vjet pas ndarjes nga jeta Konica vjen me jehonën e një fjale të mprehtë si shpata me dy tehe, për të na kujtuar sa stimuluese është të përpiqesh të përfaqësosh denjësisht vendin amë.
“AMARCORD – Viti i Skënderbeut. I vetmi, i paarritshmi Faik bej, në venat e të cilit rridhte gjaku i spikatur i oxhaqeve më zulmëmëdhenj shqiptarë, na vjen edhe 75 vjet pas ndarjes së tij nga jeta, me jehonën e një fjale të mprehtë si shpata me dy tehe, për të na kujtuar sa stimuluese, ndonëse jo pa mundime, është të përpiqesh të përfaqësosh denjësisht vendin amë, në mërgim dhe në kohë të turbullta.
Në këtë Vit Mbarëkombëtar të Gjergj Kastriotit-Skënderbeut, më shumë se kurrë meriton të kujtohet rizbuluesi i simboleve dhe gjuhës së pavdekshme shqipe, Faik bé Konitza!”, shkruan kryeministri. /ma.me
