Kur dilni jashtë dhe ju duket ftohtë… mos harroni se ka edhe më keq. Qyteti Norilsk në Siberi ku temperatura mesatare vjetore është -10 gradë celcius dhe ku i ftohti arrin deri në -55 gradë, është shembulli i përkryer se në Tiranë, nuk është dhe aq ftohtë.
Norilsk u ndërtua dhe u popullua në fillim të shekullit të njëzetë për shkak të depozitave të mëdha minerare që kishte. Por ky qytet në skaj të Siberisë, më shumë i ngjan një frigoriferi natyral, ku drita mungon për dy muaj në vit dhe e vetmja gjë që smund të shohësh në këtë periudhë është dielli.
Dimri aty zgjat 280 ditë dhe reshjet e dëborës janë kontante, të shoqëruara nga stuhi dëbore që zgjasin mesatarisht për 180 ditë të vitit.
Zona ka një popullsi prej rreth 175 mijë personash dhe është e njohur për depozitat e saj të nikelit. Në vitin 1936, Bashkimi Sovjetik ndërtoi atje një sërë kompleksesh metalurgjike dhe shumë prej fabrikave, në mos të gjitha, janë ndërtuar nga të burgosurit e Gulagut. Rreth 500 mijë punonjës kanë punuar këtu dhe mijëra prej tyre kanë humbur jetën duke ngritur industrinë e Bashkimit Sovjetik.
Qyteti në fakt, ka vetëm një arsye për të ekzistuar dhe ajo është që të mbajë në këmbë kompleksin gjigand metalurgjik dhe minerar në botë. Kompleksi në fjalë i sjell rusisë 2 % të GDP-së së vet.
