Ditën e sotme që shënon ditën Ndërkombëtare Anti-Korrupsion SHBA ka nxjerre nje liste personash non grata nga gjithe bota. Sekretari Amerikan i Shtetit, Antony Blinken ka njoftuar se 11 zyrtarë dhe ish-zyrtarë do të shpallen non-grata.
Nuk ka vonuar shumë dhe DASH ka bërë publike listën me emrat e personave për të cilët SHBA-të kanë vendosur sanksione.
Mes te shpallurve non-grata eshte dhe biznesmenja ruso-angoleze, Isabel dos Santos, fëmija më i madh i ish-presidentit të Angolës José Eduardo dos Santos, i cili sundoi vendin nga 1979 deri në 2017.
Kush është “Princesha e Angolës” Isabel dos Santos
Isabel dos Santos është vajza e ish- presidentit të Angolës, Jose Eduardo dos Santos, e cila është gruaja më e pasur në Afrikë.
Babai i saj e emëroi vajzën e tij në krye të Ndërmarrjes Shtetërore të Naftës, “Sonangol” duke bërë që Isabel të marrë nën kontroll edhe naftën. Shtatë vjet më parë ajo u listua nga “Forbes” si afrikania më e pasur.
Isabel dos Santos drejtonte dy grupimet më të mëdha bankare në Afrikë, të cilat kanë dhënë hua marramendëse për të nxjerrë Portugalinë nga kriza.
Dhe mediat në atë kohë shkruanin “Tashmë është Angola që kolonizon Portugalinë”.
