Coronavirusi që shpërtheu në Wuhan është përhapur në të gjithë botën që nga rastet e para kur u zbulua në Kinën qendrore në dhjetor.
Një fotografi e publikuar fillimisht në rrjetet sociale e më pas në mediat botërore është kthyer në simbol të gjendjes që janë duke kaluar banorët e Kinës.
Në fotografi shihet Lyu Jun, një anëtar i një ekipi mjekësor që është nisur për në Wuhan të Provincës Hubei, teksa grupe mjekësh po dërgohen ne Wuhan për të ndihmuar përpjekjet kundër epidemisë vrasëse.
Një ekip i përbërë nga një staf mjekësor prej 142 vetave nga Xinjiang u nisën për në Wuhan të martën, për të ndihmuar përpjekjet e kontrollit të koronavirusit, të quajtur se fundmi Covid-19.
Autoritetet lokale kanë bërë të ditur se numri i përgjithshëm i vdekjeve në provincë është përkeqësuar në 1369 kurse 15 000 rastet e reja të konstatuara.
Por ndërkohë, disa ekspertë kanë shprehur shqetësime se shkalla e shpërthimit të epidemisë mund të jetë shumë më e madhe nga sa sugjerojnë të dhënat kineze, kryesisht për shkak të shqetësimeve për gabime të mundshme në diagnostikim.
/a.r
