Një peshkaqen rreth 3 metra i gjatë dhe me një peshë rreth 100 kg ka rënë në rrjetat e peshkatarëve në Patok. Ai u vu re nga peshkatarët, por nën ndjenjën e frikës dhe kuriozitetit u arrit të kapej. Në fakt prej disa vitesh në lagunën e Patokut kjo gjallesë detare nuk është vënë re, ndërsa pritet që studiues dhe biologë do të bëjnë të ditur prejardhjen e tij.
Dy ditë më parë po në këtë lagunë është organizuar një manifestim për ditën botërore të biodiversitetit, pasi gjallesa të shumta janë në rrëzik zhdukje.
