Ekziston një qytet në Shqipëri ku partitët politike kanë gjetur “paqen” mes tyre edhe pse jemi në një klimë fushate elektorale. Bëhet fjalë për qytetin e Përmetit ku tre partitë kryesore në vend, përkatësisht Partia Demokratike, Partia Socialiste dhe Lëvizja Socialiste për Integrim kanë zyrat e tyre në të njëjtin pallat.
JavaNews.al sjell foton ku të tre partitë janë vendosur secila në një nga katet e një pallati në qendër të qytetit, gjë që kuptohet nga tabelat e vendosura në fasadën e jashtme të pallatit.
Kjo tregon që të pakëtën në këtë qytet tre nga forcat politike të vendit kanë një harmoni midis njëra-tjetrës. Ata e ndajnë ambientin e përbashkët të këtij pallati me njëri-tjetrin dhe hyjnë në zyrat e tyre nga një portë e përbashkët.
