Rreth 1500 emigrantë, përfshirë qindra që po përpiqeshin të shkonin në Britani, janë larguar nga një kamp në Paris.
Sipas mediave të huaja, kampi ishte ilegal dhe autoritetet franceze kanë ndërhyrë në orët e para të ditës së sotme për pastrimin e kampit nga refugjatët.
Raportohet se 600 policë u përfshinë në operacion, duke larguar gra dhe fëmijë të vegjël.
“Operacioni filloi pak para agimit, dhe mes emigrantët që u përzunë kishte gra dhe fëmijë”, tha një burim i qeverisë lokale për mediat e huaja.
‘Kampi i tyre i paligjshëm në La Chapelle ishte një kërcënim për shëndetin publik dhe jo një vend i sigurt për dikë që të jetonte brenda. Të gjithë ata që janë evakuuar u vendosën dhe u dërguan në palestra dhe qendra të tjera aty pranë, ose në pjesë të tjera të Francës“, tha burimi, duke theksuar se “nuk kishte rezistencë nga ata që u thanë të largoheshin‘, duke shtuar se ata vinin nga vendet afrikane si Eritrea, si dhe nga Afganistani dhe Siria.
Ai tha se të gjithë do t’u ofrohet strehim i përkohshëm, si dhe shansi për të kërkuar azil në Francë.
g.kosovari
