Një operacion i madh kërkim-shpëtimi po zhvillohet në Florida, pas uraganit Ian, I cili mbolli shkatërrim masiv kudo ku shkeli në shtetin e diellit. Të paktën 19 persona raportohet të kenë vdekur por autoritetet druhen se bilanci do të rritet në mënyrë të konsiderueshme. Ndër më të prekurit janë banorët e ishullit Sanibel pranë Cape Coral, të cilët janë izoluar plotësisht nga pjesa tjetër e vendit, pa mundësi për t’u evakuuar. Fotot para dhe pas uraganit tregojnë shkatërrimin në ishullin tropikal, ku vilat luksoze dhe hotelet kanë pësuar dëme të konsiderueshme.
