Konflikti për disa metra tokë në plazhin e Velipojës la të vdekur 4 persona mbrëmjen e kaluar. Dy familjet që u përshinë në konflikt ishin Ferracaku dhe Gocaj.
Bizneset e tyre ndodheshin vetëm 50 metra larg njëri-tjetrit. Konflikti ka nisur ditën e djeshme por në darkë përfundoi me përdorimin e armëve dhe bilancin tragjik.
Ditën e djeshme në hotel Fantazia, në pronësi të familjes Ferracaku turistë të shumtë kishin shkuar për pushime.
Në foto dallohet një numër i madh pushuesish në ambientin që ndodhet jo shumë larg vendit ku mbetën të vrarë 4 persona.
Ngjarja ndodhi në mesnatë ku pushuesit ishin larguar drejt banesave të tyre, por janë zgjuar nga të shtënat e armëve.
Velipoja është një ndër destinacionet e preferuara të turistëve nga Shqipëria dhe Kosova dhe në mënyrë të veçantë nga familjarët.
/b.h
