Reporteri Kosovar, Habib Zogaj nga komuna e Malishëvës ka prezantuar një album fotografish nga krimet serbe të kryera mbi popullin e Kosovës, gjatë luftës së fundit atje.
Zogaj ka qenë i ftuar në emisionin “Zyra e Ankesave”, ku edhe ka treguar sesi i ka realizuar këto fotografi.
Reporteri është shprehur, se gjatë luftës ka qenë reporter i ‘Radio Kosova e Lirë’ dhe se në album ka foto nga skenat dhe momentet e tmerrshme, që përjetoi popullata civile gjatë luftës në vitin 1998-1999.
“Fotografitë që përfshihen të përgatitura për botim janë nga masakra e Burimit ish Javiqi i Malishevës dhe nga masakra Turjakës. Albumi si tërësi ka tematika të ndryshme duke filluar që nga masakrat e vitit 1919 e deri në kohën e luftës”, ka rrëfyer Zogaj.
Pjesë e albumit nuk janë vetëm fotot të realizuara nga vetë reporteri, por edhe fotot të realizuara nga vetë ushtarët serb.
Albumi paraqet foto të grave të dhunuara, të trupave të djegur, fëmijë, burra e të moshuar. Bie në sy edhe një foto mjaft prekëse ku shfaqen t ëpajetë babë e bir, ku reporteri ka vënë edhe emrat e tyre, Valoni e Rrahmani.
KUJDES, PAMJE TË RËNDA
g.kosovari
