Sfidën e ‘likeve’ në rrjetet sociale për momentin e ka fituar Kendall Jenner. Modelja amerikane, motra nga nëna e Kim Kardashian, ka arritur të mbledhë plot 2, 5 mln ‘like’ ose pëlqime me një foto të publikuar në Instagram rreth një muaj më parë ku shihet e shtrirë në dysheme, me sytë mbyllur dhe një model të këndshëm flokësh të sajuar me forma zemre. Kendall, e cila numëron 27 mln ndjekës në rrjetin social, ka arritur të mundë kështu rekordin e vënë nga motra e saj e famshme, sidomos për marrëdhëniet me rrjetet sociale.
Kështu, fotoja e martesës së Kim Kardashian dhe Kanye West vitin e shkuar në Firence kishte marrë 2, 47 mln ‘like’. Në profilin e saj në Twitter, Kendall e ka festuar suksesin duke i dërguar një mesazh motrës së saj: “Kape këtë KimYe”, ka shkruar modelja.
