Moti i keq ka sjellë dëmtime në pjesën veriore të Italisë. Përmbytje serioze janë shkaktaur në Limone Piemonte, pasi përroi Vermegnana ka dalë nga shtrati, Në qytet nuk ka energji elektrike dhe shumë zona janë përmbytur plotësisht. Shumë persona u evakuuan për shkak të përmbytjes.
Ndërkohë tre persona që udhëtonin me një furgon nga shoqata Emmaus Cuneo, e cila ishte drejtuar për në Tenda, në Val Roya për të ngarkuar materiale kanë rezultuar të zhdukur, kontakti me ta humbi në Vievola.
Ndërsa, zjarrfikësit shpëtuan pesë persona të cilët, për shkak të motit të keq, ishin bllokuar në tunelin që lidhë Italinë me Francën.
Ndërsa në zonën e Bergamos shpejtësia e erës ka arritur deri në 100 km gjithashtu ka dhe rrëshqitje dheu.
Era karakterizoi klimën e të gjithë provincës gjatë gjithë natës së së premtes: mbi njëqind milimetra shi ranë në Bergamo Orobie.
Për shkak të motit të keq, rruga provinciale 24 në Foppacalda, në zonën komunale të Val Brembilla, u mbyll për shkak të një rrëshqitje toke.
