Moti i keq me stuhi dhe reshje të dendura shiu ka goditur të gjithë rajonin. Një nga shtetet më të prekura është Greqia, pasi shumë rrugë dhe shtëpi janë përmbytur.
Nga Selaniku vijojnë imazhe të pabesueshme. Si pasojë e stuhisë “Ballos” është çarë rruga dhe është hapur një gropë brenda së cilës ka përfunduar një autobus.
Mediat greke shkruajnë se gjithçka ka ndodhur në orët e para të ditës së sotme, por fatmirësisht nuk ka të lënduar. Stuhia vazhdon në Greqi.
Një autobus me pasagjerë mbeti i bllokuar dhe filloi të zhytej në ujë ditën e djeshme, ndërsa pamjet e njerëzve teksa ndihmonin njëri-tjetrin për të dalë nga ujë, janë shpërndarë kudo.
Autobusi u zhyt në ujë në Poseidonos në Paleo Faliro, nën urën në Qendrën Kulturore të Fondacionit Stavros Niarchos, ndërsa udhëtarët në bord formojnë një rresht, ku të kapur për dore, dalin në anë të rrugës, ndërsa uji u arrin deri në gju.
Situata është mjaft kritike edhe në Atika, ku janë përmbytur disa shtëpi, ndërsa shkollat janë mbyllur. Zjarrfikësit janë në terren duke ndihmuar në evakuimin e qytetarëve, ndërsa i kanë bërë atyre thirrje për kujdes.
g.kosovari
