Kanë dal pamjet e grabitësve të kamufluar dhe të armatosur që futen në aeroport.
Nga fotot ata e hapën fare kollaj derën e aeroportit të Rinasit, dhe me furgonin me mbishkrimin “Hetimi Tatimor” ka hyrë nga porta metalike që shërbente për kalimin e zjarrfikësve, ku kanë spostuar një bllok betoni që përdorej si mbrojtëse dhe më pas kanë prerë zinxhirin dhe kanë hyrë lehtësisht në pistën e fluturimit, ku ndodhej dhe avioni që do transportoheshin paratë, nga Tirana në Vjenë.
Furgoni ka ecur në pistë derisa është afruar pranë bordit të avionit. Më pas autorët të veshur si komando brenda 90 sekondave kanë marrë thasët me para nën kërcënimin e armëve dhe kanë dalë pikërisht nga kjo derë këtu, për të vazhduar më pas në drejtim të Tapizës.
Në të tjera foto ekskluzive që Report Tv disponon, ndërhyrja e policisë pas grabitjes, ka ardhur që brenda aeroportit. Një furgon i forcave të policisë i ka ndjekur grabitësit që në pistë, por ata janë përgjigjur duke qëlluar me armë. Në foto shihet se dera e furgonit të grabitësve është e hapur, pasi autorët kanë qëlluar me armatimet e rënda që kishin. Edhe dera e furgonit të Forcave të Ndërhyrjes së Shpejtë është e hapur pasi policia i ka ndjekur duke ju përgjigjur zjarrit të grabitësve, në një hark prej dy kilomtrash larg aeroportit, derisa vrau njërin prej grabitësve, Admir Muratajn.
g.kosovari
