Edhe pse ushtria ruse ka deklaruar “se civilët nuk janë objektivi i tyre”, fotot tronditëse të një vajze 6-vjeçare ukrainase që humb jetën pas plagëve të marra nga bombardimet ruse tregon gjithçka.
Vogëlushja, ende e paidentifikuar, u plagos rëndë pasi rusët bombarduan pallatin ku ajo jetonte në Mariupol.
Në imazhet e bërë virale, vajza shihet në ambulancë ndërsa mjekët tentojnë t’i shpëtojnë jetën por pa sukses.
Ndërsa jashtë qëndron një grua me duart e mbuluara me gjak duke mbajtur në duar këpucët dhe shallin ngjyrë rozë të 6-vjeçares.
Sipas Daily Mail, në një imazh tjetër është fotografuar babai i saj duke i mbajtur dorën vajzës shtrirë në ambulancë, teksa qan mbi trupin e saj të pajetë.
Më pas një ekip mjekësh e dërgojë vogëlushen, e cila mbante veshur ende pizhamet e saj, në morgun e spitalit.
Gjatë përpjekjes për të shpëtuar 6-vjeçaren, një mjek raportohet se iu drejtua fotografit të AP duke i thënë: “Tregojni këtë Putinit: Sytë e këtij fëmije dhe mjekët që qajnë”.
Qindra mijëra gra dhe fëmijë po largohen nga Ukraina për në Perëndim.
Radhë deri në 25 milje raportohen në kufirin me Poloninë.
Presidenti rus, Vladimir Putin përshkallëzoi tensionet Lindje-Perëndim duke urdhëruar që forcat bërthamore ruse të viheshin në gatishmëri të lartë të dielën, ndërsa udhëheqësi i Ukrainës ra dakord për bisedimet me Moskën.
g.kosovari
