Ai është cilësuar si krimineli më i pashëm në botë, ndërkohë që ajo është trashëgimtarja e rrjetit të dyqaneve “Top Shop” dhe pikërisht ditën e sotme pas shumë thashethemeve, kanë njoftuar ardhjen në jetë të fëmijës së tyre të parë. Chloe Green dhe Jeremy Meeks kanë njoftuar në rrjetet sociale se më në fund djali i tyre, të cilin e kanë quajtur Jayden Meeks Green, ka lindur më datë 29 maj.
Çifti kanë zgjedhur t’a bëjnë të ditur lajmin e bukur vetëm disa ditë më pas, ndërkohë që mësohet se të dy janë fejuar. “Jemi të lumtur të njoftojmë ardhjen në jetë të djalit tonë të bukur Jayden Meeks-Green”, shënuan ata në foton e postuar në rrjetet e tyre sociale.
Krimineli më i bukur në botë rreth një vit më parë i dha fund martesës së tij disa vjeçare, për t’u lidhur me vajzën e Sir Phillip, njërit prej meshkujve më të pasur në botë. /ma.me
