Silvio Berlusconi, ka rezultuar pozitiv me Covid-19 disa ditë më parë, por së fundimi ai është diagnostikuar me pneumoni të hershme bilaterale.
Ish-kryeministri italian, po merr kurimet e nevojshme në një suitë pranë spitalit “San Raffaele” në Milano.
Në pamjet e brendshme të dhomës shfaqet një ambient shumë luksoz. Suita, është 300 metra katror me nëntë dhoma dhe tre tualete, shkruan ilmessaggero.
Suita ndodhet në katin e gjashtë të pavionit “Diamante” të spitalit San Raffaele në Milano dhe është e pajisur gjithashtu me Wi-Fi, shtyp ndërkombëtar, pije freskuese, parukiere, estetiste, masazhierë profesionistë në dispozicion.
Udhëheqësi i Forza Italia tashmë ishte shtruar në të njëjtat dhoma pasi gjashtë muaj më parë ai u shtrua për të zëvendësuar një stimulues kardiak të implantuar në SH.B.A. në vitin 2006.
g.kosovari
