Ministrja e Brendshme Albana Koçiu e nis detyrën me “dorë të hekurt” që në ditët e para të emërimit në pozicionin e ri.
Një prej vendimeve të saj pak ditë pas betimit në presidencë ka qenë propozimi që i ka bërë qeverisë për të shkarkuar nga detyra zv.ministrin Andi Mahila.
Cigarja që po konsumonte brenda një ambienti të mbyllur i ka kushtuar vendin e punës zv.ministrit.
Mahila, i cili mbante këtë detyrë prej vitesh, është fotografuar duke konsumuar cigare në një ambient të mbyllur në kundërshtim me ligjin.
Qytetari e ka denoncuar rastin te ministrja e Brendshme Albana Koçiu. Pas shqyrtimit të rastit, ministrja ka propozuar shkarkimin e Andi Mahilajt dhe më pas është liruar nga detyra.
Andi Mahila mbante detyrën si zëvëndësministër i Punëve të Brendshme që nga janari 2021. Pas shkarkimit nga qeveria, ministrja Koçiu ka njoftuar edhe qytetarin që kishte denoncuar rastin, për vendimin. TCH
BRAVO NJEMIJE HERE.POR TE ZBRESE NE BAZE DHE DO TE VERE DUART NE KOKE DUKE PARE SE CFARE BANALITETESH KA NE PUSHTETIN LOKAL.JU KUTEM BEJENI KETE MINISTRE.POR KJO JO VETEM BE MINISTRINE BRENDESHME POR NE TERE MINISTRITE.MJAFT ORA 8 E MENGJESIT DHE ORA 16 PASDITE