Ka bërë bujë lajmi se një 27-vjeçare nga Durrësi kishte mashtruar me 60 milion lekë një djalë 30-vjeçar pasi ishte njohur nga Facebook-u.
Sëfundmi kanë dalë edhe fotot nga shtëpia e vajzës që mashtroi të riun, ku një pjesë e parave të marra dyshohet se ishin investuar aty, shkruan DurrësLajm.
Banesa e rikonstruktuar gjatë vitit të fundit kishte mbetur e shkretë. Rrushi i vjelë nga hardhitë ditë më parë ishte lënë në mes të verandës, ndërsa askush prej dy prindërve të saj të moshuar nuk rrinte më në shtëpi.
Komshinjtë bënë me dije se çifti Beqja kishte vetëm një vajzë, Enertilën, e cila pasi kishte mbaruar gjimnazin qëndronte e papunë në shtëpi. Vajza hiqej se ishte fejuar, por të fejuarin nuk ia kishte parë asnjë njeri.
Familja tre anëtarëshe nuk komunikonte pothuajse me të gjithë lagjen. Ata nuk flisnin me fqinjët, ndërsa këta të fundit thanë se ishin trembur mjaft kur kishin parë policinë në derë e cila iu kishte sekuestruar orenditë e shtëpisë. Lajmi për arrestimin e vajzës kishte marrë dhenë në fshat, ndërsa të gjithë thoshsin se vajzaqëndronte e tërhequr dhe nuk linte shkas për biseda me komshinjtë.
Vëllezërit e 30-vjeçarit me detyrë drejtor i Postës në Manëz, gjatë tre viteve të fundit kishin dërguar një shumë prej 60 mijë eurosh në banesë. Vëllai i tyre u kishte thënë se nëna është pa qejf, e për pasojë ata dërgonin lekë vazhdimisht. Kur emigrantët erdhën në shtëpi dhe nuk gjetën asnjë lekë në arkën e kursimit “shtrënguan” vëllanë e tyre i cili u tregoi se ja kishte dhënë vajzës me të cilën do të martohej. Vëllai u tregoi se vajza që ai dashuronte ia kishte marrë borxh, dhe do ia kthente në një të ardhme të afërt.
30-vjeçari kontaktoi vajzën nëpëmjet FB, dhe i kërkoi lekët që i kishte dhënë borxh, por ajo i bëri block, dhe u largua nga shoqëria me të. I plagosur keq nga dashuria, i riu me origjinë nga Hasi, por edhe i zënë ngushtë nga vëllezërit e tij emigrantë në Angli prej shumë vitesh, iu drejtua policisë së Durrësit ku edhe bëri denoncimin.
a.ç
