Arsen Matollari, 32 vjeç u vu në pranga nga policia e Tiranës pasi ishte shpallur në kërkim për mashtrim. Ai është bashkëpunëtori i 26-vjeçarit Ervis Belollarit, i cili një ditë më parë u vu në pranga.
Policia thotë se Belollari dhe Matollari në bashkëpunim me njëri tjetrin kanë përfituar 6 mijë Euro nga një biznesmen pasi iu prezantuan atij si përfaqësues të drejtuesit të një institucioni vendor. Bëhet fjalë për një biznesmen i bimëve medicinale në Lushnje.
Gjatë kontrolleve në banesën e Matollarit, uniformat blu sekuestruan 4700 Euro bashkë me automjetin që lëviznin dy të arrestuarit.
Kujtojmë se Ervis Belollari ka marrë pjesë si figurant në serialin e njohur turk, “Osmani” dhe njihet në rrjetet sociale për videot që bën.
