Lujendra Ojha i lindur në Nepal, është tashmë Stiv Xhobsi i shkencës botërore. Pasi erdhi në SHBA në vitin 2005 me familjen e tij, ai e kishte zbuluar ujin në Mars pesë vjet më parë. Një lajm që Nasa pranoi ta konfirmojë vetem pak ditë më parë.
Lujendra është djali i një shkencëtari. Ai thotë se ky zbulim është “incidenti” më i madh i jetës së tij. Gjatë një vrojtimi të fotove nga Marsi, në 2010, kur ende nuk ishte diplomuar, Lujendra zbuloi se vijat e holla në buzët e kratereve në Mars dukeshin dhe zhdukeshin.
Kjo ishte shenja se aty rridhte ujë. Madje se uji duhet të ishte i kripur, për shkak të strukturës së tokës marsiane në atë vend preciz. U desh një punë tjetër e madhe deri në vitin 2014, me një grup të madh shkencëtarësh, që Lujendra të konfirmonte tezën e tij.
