Gjykata e Tiranës la në fuqi masën e sigurisë “Arrest në burg” për protestuesin Marash Qerimi. Ai u arrestua dy ditë më parë nga Policia.
Sipas prokurorisë, Qerimi është një ndër personat që ka sulmuar institucionet dhe punonjësit e Policisë me bomba molotov, kapsolla, flakadanë dhe sende të forta.
Ai akuzohet për veprat penale “Organizimi dhe pjesëmarrja në grumbullime e manifestime te paligjshme”, “Kundërshtimi i punonjësit të Policisë së rendit publik”, “Goditja për shkak të detyrës”, “Shkatërrimi i pronës me zjarr” dhe “Shkelja e rregullave mbi lëndët plasëse, djegëse dhe radioaktive”.
Nga goditjet, kundërshtimet dhe përdorimi i lëndëve piroteknike, sendeve të forta dhe bombave molotov, mbetën të plagosur 16 punonjës të Policisë, të cilët morën ndihmën në spitalin e Traumës.
Si pasojë e përdorimit të bombave molotov, u shkaktuan dëme të konsiderueshme në institucionet shtetërore.
Policia po punon për identifikimin dhe kapjen e personave të tjerë të dyshuar, të përfshirë në këto veprime të kundraligjshm
g.kosovari
