FOTO-LAJM/ Dy gota dhe dy shishe uji në tryezën e opozitës
Kohë kursimesh në rradhët e PD. E tregon këtë një detaj kurioz nga takimet që kreu i opozitës Lulzim Basha organizon me deputetët e tij, zakonisht para seancave plenare të Kuvendit.
Deputetë demokratë thonë në konfidencë për Javanews, se stafi që përgatit takimet, vendos vetëm dy shishe uji në tryezat shumta ku ulen deputetët. Njëra është për kryetarin Basha, tjetra për ish-kryetarin Berisha. Pjesa tjetër duhet të mjaftohet me letrat që ka përara, ose të shohë celularin, teksa kreu i opozitës mban fjalimin e zakonshëm.
E megjithatë nuk ka qenë kështu gjithmonë. Siç tregojnë fotot e vjetra, kur sapo hynë në selinë e re, deputetët opozitarë gjenin të gjithë nga një shishe uji përpara. Mesa duket opozita ka vendosur të futet në dietë. Një gjë jo e keqe, në fakt.
