Ky është 32-vjeçari Endri Mustafa, i cili është gjetur i vdekur sot në zonën e Livadheve në qytetin e Shkodrës. I riu, i apasionuar pas makinave, kuajve dhe armëve të zjarrit është gjetur pa shenja jetë, ndërsa familja e kishte denoncuar prej 3 ditësh zhdukjen e tij.
Deri më tani është bërë me dije se Mustafa, ishte pjesë e grupit të Astmer Bilalit, i cili u arrestua në 2016 me 5 të tjerë me një arsenal armësh.
Dhe mesa duket si pjesë e grupit ndanin të njëjtat pasione. 32-vjeçari ka ndarë foto me kuaj në rrjetet e tij sociale, një veçori që e dallon grupin e tyre. Edhe babai me xhaxhanë e ndjerë të Bilalit ishin të njohur për “dashurinë” që kishin ndaj kuajve.
