Personi që shihni në foto është Shkëlzen Velaj, i cili u ekzekutua mbrëmjen e djeshme teksa tentonte që të hynte në banesën e tij.
Ngjarja e rëndë ndodhi rreth orës 23:55, në lagjen “24 Maji” në Vlorë. 42-vjeçari ka qenë duke hyrë për në shtëpi, kur ka vënë re se pranë pallatit ka qenë duke u ndjekur nga një makinë e dyshimtë. Velaj e ka lënë makinën e tij ndezur dhe ka ikur me vrap për t’u futur në banesë, në katin e 5 të pallatit. Kur ka qenë duke hapur derën atentatori ka lëshuar breshëri plumbash në drejtim të tij, duke e vrarë.
Velaj i cili u ekzekutua në Vlorë është qëlluar 20 herë me kallashnikov nga autorët. Nga informacionet e para bëhet me dije se Velajn e kanë kapur 15 plumba në trup.
g.kosovari
