I riu në foto është 20-vjeçari që u gjet i pajetë nga xhaxhai në oborrin e banesës së tij në fshatin Guci e Re në Shkodër.
20-vjeçari Pavlin Preka është qëlluar me 6 plumba me armë zjarri pistoletë.
Akuzat e Berishës për Ëngjëll Agaçin, Rama TREGON çfarë ka ndodhur me FATIN e sekretarit të Kryeministrisë!
Grupi hetimor ka sekuestruar gëzhojat të cilat ndodheshin pranë njëra-tjetrës.
Policia vendore e Shkodrës ka shoqëruar deri më tani rreth 20 persona në lidhje me ngjarjen. Të shoqëruarit janë komshinj të 20-vjeçarit.
Ata janë marrë në pyetje nëse mund të kenë dijeni për viktimën ose për ndonjë detaji që mund të çojë policinë në gjurmët e autorit.
Deri më tani nuk ka asnjë autor të dyshuar të ngjarjes.
Familjarët e të riut kanë deklaruar se nuk e kanë idenë se kush mund të jetë autori sepse nuk kanë qenë në dijeni të ndonjë konflikti.
Efektivët dyshojnë se ai është qëlluar nga një distancë e afërt në oborrin e shtëpisë së tij ku u gjet trupi i pajetë.
Komshinjtë kanë deklaruar se nuk kanë dëgjuar asnjë zhurmë armë detaj i cili ngre dyshime se gjatë vrasjes është përdorur një pistoletë me silenciator.
