Dy shqiptarë janë arratisur nga burgu i Koridhalos. Shqiptarët e identifikuar me emrin Elvis Pepa dhe Leonard Pepa ishin dënuar për vjedhje dhe grabitje të të moshuarve.
Sipas informacioneve të para që ka siguruar zougla.gr dy shqiptarët e kanë prerë hekurat e qelisë dhe më pas kanë arritur të kalojnë dhe muret rrethuese duke u arratisur
Arratisja e tyre është vënë re sot në mëngjes kur nuk janë paraqitur në momentin kur bëhet prezenca, informon oranews.tv
Policia ka nisur operacionin për arrestimin e tyre ndërsa rasti i është referuar ministrisë së Drejtësisë.
Sipas pamjeve të kamerave të sigurisë dy shqiptarët kanë arritur të largohen rreth orës 20:30 të mbrëmjes së 1 janarit dhe janë kuptuar vetëm në mëngjes kur ka nisur numërimi. Sipas autoriteteve të burgut, dy shqiptarët kanë shfrytëzuar zonën e cila nuk ruhej me policë, dhe kanë arritur të kapërcejnë murin e rrethimit me litar.
Dy shqiptarët e arratisur kanë të njëjtin mbiemër por nuk dihet nëse janë vëllezër apo kushërinj.
a.cupaj
