Pas pezullimit të transportit publik dhe qarkullimit me automjete private, një përpjekje e qeverisë për të shmangur përhapjen e shpejtë të koronavirusit, qytetarët kanë gjetur edhe zgjidhje alternative.
Një video “gjeniale” vjen nga Kukësi, ku është rikthyer “qarkullimi” me kalë. Një qytetar është filmuar në rrugët e qytetit me dy gishtat lart, teksa lëviz i qetë me kalin e tij, në mes të asfaltit. Nuk e dimë me siguri nëse është një rast për shaka, apo lëvizje e domosdoshme, por e sigurtë është që nuk preket nga masat e qeverisë.
Ministria e Shëndetësisë njoftoi sot se gjatë 24 orëve të fundit janë regjistruar 5 raste të reja me Covid 19, duke e çuar në 38 numrin e të prekurve. Qeveria ka marrë masa të rrepta, duke mbyllur lokalet, restorantet dhe fast food-et. Sot, kreu i qeverise deklaroi se ndalohet edhe shëtitja tek Liqeni i Tiranës.
