Kryeministri Edi Rama ka takuar krijuesin e Facebook, Mark Zuckenberg. Lajmin e ka bërë të ditur vetë kryeministri Rama, i cili poston fotot e takimit në faqen e tij të “Facebook”.
Kreu i qeverisë shqiptare e ka takuar Zuckenberg në Mynih të Gjermanisë, aty ku po zhvillohet Konferenca e Sigurisë, dhe janë të pranishëm politikanë e përfaqësues nga mbarë bota.
Në foto Zuckerberg shfaqet i përqendruar duke dëgjuar kryeministrin Rama dhe biseduar.
“Me Mark Zuckenberg, krijuesin e FACEBOOK, gjatë një darke miqsh të posaçëm, mbledhur në Mynih për Konferencën e Sigurisë😊”, shkruan Rama.
Ditën e sotme në Gjermani Edi Rama ka takuar disa liderë, nga kryeministri kanadez, princi i Arabisë Saudite dhe të tjerë.
