Vajza në foto është bashkë autore e vrasjes së gjyshes së saj, vrasje e ndodhur në Shkodër dhe e zbardhur të shtunë nga policia. Ajo quhet Xhoana Hila dhe është 32 vjeç e cila së bashku me të dashurin e saj 27-vjeçarin Erando Qatipi, ndodhen pas hekurave.
Të dy akuzohen se kanë vrarë dhe më pas vjedhur bizhuteritë e gjyshes së 32 vjeçares. Në Prokurori Xhoana Hila ka rrëfyer se krimin e ka kryer i dashuri i saj.
Sipas saj, ata kanë qenë duke vjedhur bizhuteritë në shtëpinë e gjyshes së vet në Shkodër, por janë vënë re nga kjo e fundit. Për këtë arsye, 32-vjeçarja thotë se i dashuri i saj e mbyti atë me jastëk.
Por, ky i fundit nuk e ka pranuar krimin dhe për momentin ende nuk dihet saktësisht si është kryer vrasja.
Ka qenë një prej djemve të viktimës, që ka vënë re se në shtëpi mungonin disa bizhuteri, që bëri që policia të niste hetimet për ngjarjen e ndodhur rreth një vit më parë.
