Policia arriti të gjejë shëndoshë e mirë dy turistët hungarezë, të cilët kishin humbur në Karaburun.
Mësohet se ata janë gjetur në një zonë të thellë të gadishullit të Karaburunit.
Ka vijuar kontrolli gjatë gjithë natës për gjetjen e çiftit hungarez që humbën mëngjesin e djeshëm në pyllin e Llogorasë. Në kërkim të tyre kanë qenë punonjësit e qendrës së vizitorëve të Radhimës, së bashku me policinë kufitare dhe Delta Forcë.
Gjatë natës janë krehur gjiret e Karaburunit, pasi mendohej se çifti ishte strehuar në gjirin e Shën Andreas, pasi kanë shkuar me gomone nga deti.
Vetëm sot në mëngjes ata kanë nisur një sms ku njoftonin se ndodheshin në një zonë të thellë në Karaburun.
g.kosovari
