Ledina Çelo është padiskutim një nga emrat më të njohur në skenën muzikore shqiptare.
Pavarësisht se është shkëputur nga bota e muzikës, ajo vazhdon të jetë një figurë shumë e ndjekur dhe e dashur nga publiku shqiptar në rrjetet e saj sociale.
Këngëtarja e njohur ndan me ndjekësit herë pas herë copëza nga përditshmëria e saj dhe së fundmi, Ledina ka publikuar disa pamje nga spitali.
Përmes një postimi të bërë në Instastory, këngëtarja shihet në spital me një këmbë të fashuar.
“Ndodh edhe kështu”, ka shkruar këngëtarja bashkangjitur videos së publikuar, koment të cilin e ka shoqëruar me ikonën e fytyrës së mërzitur.
Ledina nuk ka dhënë detaje të mëtejshme lidhur me faktin se çfarë ka pësuar në këmbën e saj por urojmë që mos të jetë diçka serioze.
