Policia e Shkodrës ka sekuestruar në Vermosh 62 kg lëndë e dyshuar narkotike cannabis-sattiva. “Droga u zbulua dje në afërsi të Pikës Kufitare Bashkimi, në breg të lumit “Gërçarë”, fshati Vermosh, Malësi e Madhe”- njofton policia.
Sipas saj, sshërbimet e policisë u informuan se disa persona po trafikonin lëndë narkotike në drejtim të kufirit me Malin e Zi. Nga krehja e zonës përreth u gjetën dhe u sekuestruan në cilësinë e provës materiale 4 thasë dhe një çantë dore, ku në total me një sasi prej 62 kg lëndë e dyshuar narkotike cannabis-sattiva.
Vijon puna për identifikimim dhe kapjen e autorëve të dyshuar të përfshirë në veprimtarinë kriminale të trafikimit të lëndëve narkotike dhe vënien e tyre para përgjegjësisë penale. Materialet proceduriale iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale “Trafikimi i lëndëve narkotike mbetur në tentativë”, parashikuar nga neni 283/a e 22 i Kodit Penal. /ma.me
