Historiani dhe publicisti Arben Lallla ka publikuar paraditen e sotme një set fotografish ku duken disa autobusë nga vendi fqinj. Sipas Llallës bëhet fjalë për mjete transporti të nisur nga Greqia me emigrantë apo anëtarë të minoritetit grek në Shqipëri të cilët dërgohen për të marrë pjesë në zgjedhje.
Fotografitë tregojnë qytetarë që zbresin në Musiro të Konispolit.
“Vota shitet për 50 euro biletë. Autobusët janë nisur nga Greqia dhe janë paguar nga Ministria e Punëve të Jashtme greke, Drejtoria e Diasporës” – shkruan Llalla.
Sipas tij, udhëtarët janë paguar të votojnë për Anastas Gudën në Konispol dhe Fredi Belerin në Himarë, të dy kandidatë të PBDNJ.
“Autobuzët e nisur nga Kuvendi i Greqisë dje në drejtim të Shqipërisë për të votuar në Konispol për grekun Anastas Gudën dhe në Himarë, Fredi Belerin, terroristi i MAVI. Qeveria greke blen vota me një biletë autobuzi falas. TURP! (sa interesantë emri i firmës së autobuzave të Athinës, ÇOKA-dërgon” – shprehet Arben Llalla në Facebook.
