Ambasadorja e SHBA në Kosovë Tracey Ann Jacobson ka publikuar në Twitter një fotografi të godinës së re të ambasadës.
“Fotografi digjitale e Ambasadës së re dhe të bukur në Prishtinë” ka shkruar Jacobson në Twitter.
Të martën është vënë gurthemeli për ndërtimin e objektit të ri të ambasadës së Amerikës në Kosovë.
Ndërtimi i saj do të bëhet në hapësirën prej 5 hektarësh në lagjen “Arbëria” në kryeqytet, tokë kjo që i është dhënë ambasadës në shfrytëzim për 99 vjet.
Ceremonia e nisjes së ndërtimit është quajtur moment historik. Aty morën pjesë Ambasadorja e Shteteve të Bashkuara të Amerikës, Tracey Ann Jacobson, Presidentja Atifete Jahajga dhe Kryeministri Isa Mustafa.
Redaksia Online
(JavaNews.al)
