Policia e Shtetit ka publikuar fotot e tre vëllezërve Kora, Besnik, Daniel dhe Pëllumb Kora të cilët janë në kërkim të akuzuar për vrasjen e trefishtë të premten e kaluar në Thumanë të Kujës.
Ata vijojnë të jenë në kërkim, ndërsa mëngjesin e sotëm është arrestuar në Laç edhe babai i tyre Guralin Kora, i cili ka pranuar autorësinë e vrasjes.
Teksa vijojnë edhe operacionet për arrestimin e tre vëllezërve, policia ka ofruar 10 mijë euro shpërblim për çdo informacion që do të zbulojë vendodhjen e tre të kërkuarve.
Të premten në Thumanë pas një konflikti për motive të dobëta, mbetën të vrarë tre pjesëtarë të një familje, Fran Çeku, djalin e tij Arben Çeku dhe nipin e tyre Eno Rama.
