Disa minuta më parë u bë publike një ngjarje në Shkodër, ku policia raportonte se ishte gjendur e vdekur në një tualet të një mobilierie, një grua 45 vjeçare, dhe se për krimin ishte shoqëruar bashkëshorti i saj, biznesmeni Sadetin Sula. Gruaja quhet Suela Sula dhe u gjend e vdekur këtë të martë në mobilieri Europa, biznes nën pronësinë e bashkëshortit të saj.
Kanë qenë punonjësit e mobilierisë ata që e kanë gjetur atë të pajetë dhe kanë lajmëruar Policinë. Fillimisht u dyshua se bëhej fjalë për një vetëvrasje, por ekspertiza mjeko-ligjore vërtetoi se gruaja është mbytur me duar në fyt.
